Агаарын хоногийн дундаж температур 10 сарын сүүлээс 0 0 градусаас доош орж хүйтрэх ба 3 сарын 25-аас дулаарч эхэлдэг буюу 215-240 хоног нь 0 0 градусаас дээш дулаан байдаг байна. Жилийн дундаж агаарын температур нилээд дулаан буюу 3.8 0 С–аас 7.2 0 С градусын хооронд хэлбэлздэг. Тухайлбал, аймгийн зүүн, зүүн өмнөд хэсэгтээ илүү дулаан байдаг байна. Агаарын температурын жилийн явцыг харахад 1 дүгээр сард хамгийн хүйтэн, 7 дугаар сард хамгийн дулаан байдаг Монгол орны уур амьсгалын ерөнхий зүй тогтол давтагдаж байна. Салхины хурд 5-15 м/сек, заримдаа 34-45 м/сек хүрдэг. Жилийн нийлбэр хур тунадасны орон зайн тархалтын тооцооны үр дүнг харвал нам өргөргийн нутгаар буюу говь цөлийн бүсэд жилдээ арав хүрэхгүй см хур тунадас орох бөгөөд заримдаа энд хэдэн жил ч бороо орохгүй тохиолдол бий.