Ангилал зүйн хувьд Хоёр нутагтан (Amphibia), Mөлхөгчид нь (Reptilia) хэмээх амьтны аймгийн бие даасан ангиуд юм. Эдгээр амьтад нь тухайн бүс нутгийн экосистемийн тэнцвэрт байдлыг хадгалж хамгаалахад чухал үүрэг гүйцэтгэдэг. Ялангуяа мэлхий гүрвэл бэлчээрийн хөнөөлт элдэв шавжаар хооллодог бол могой бол голдуу мэрэгчдээр хооллодог. Мөн хоёр нутагтан, мөлхөгчид өөрсдөө махан идэштэн шувуу, хөхтөн амьтдын тэжээлийн бүрэлдэхүүнд чухал байр эзэлдэг. ГБДЦГ нутагт 2 салбар баг, 5 овог, 6 төрөлд багтах 11 зүйл мөлхөгчид, нэг баг, овог, төрөлд багтах нэг зүйл хоёр нутагтан, бүгд 12 зүйлийн хоёр нутагтан, мөлхөгчид одоогоор тэмдэглэгдээд байна.